Tre persona te Policisë Bashkiake janë vënë në pranga duke finalizuar operacionin “Rrjeta”, arrestimi i tyre është bërë pasi dyshohet për veprën penale korrupsion aktiv.
Shtetasit e arrestuar:
Erjon Beca, 37 vjeç, banues në Tiranë, me detyrë përgjegjës grupi pranë Policisë Bashkiake Tiranë për kontrollin e territorit.
B. M, 25 vjeçe, banuese në Tiranë me detyrë punonjëse patrullës së policisë Bashkiake Tiranë
Astrit Breshani, 47 vjeç, banues në Tiranë, me detyrë patrullë shërbimi në patrullën e Policisë Bashkiake Tiranë
Sipas informacioneve nga policia behet me dije se arrestimi i tyre është bere pasi më datë 21.04.2017, rreth orës 16:00, në rrugën “Panorama” pranë ZVRPP, punonjësit e policisë bashkiake me automjetin e punës dyshohet ti kanë marrë shtetasit J,M një shumë prej 200 mijë lekësh të vjetra, për lejimin e një tende (rrjetë mbrojtëse dielli) në një pikë lavazhi në qytetin e Tiranës
Në cilësinë e provës materiale u sekuestrua: -4 kartëmonedha, konkretisht 4 kartëmonedha me prerje 5.000 lekë të reja -5 Telefona celularë të markave të ndryshme.
Materialet i ‘u kaluan Prokurorisë pranë Gjykatës së Shkallës së Parë Tiranë për veprën penale “Korrupsion aktiv të personave që ushtrojnë funksione publike i kryer në bashkëpunim”, parashikuar nga neni 259 e 25 i Kodit Penal.
